नेपाल पत्रकार महासंघ बाँके शाखाको कार्यसमिति बैठक २०८३ वैशाख ११ गते शुक्रबारका दिन बाँके शाखाको कार्यालयमा शाखाका अध्यक्ष श्री नवीन गिरीको अध्यक्षतामा बसी निम्न अनुसार निर्णयहरू गरिएको छ ।

निर्णयहरूः
१. नेपाल पत्रकार महासंघ बाँके शाखाको १५औँ साधारणसभा २०८३ जेठ ९ गते शनिबार आयोजना गर्ने निर्णय गरिएको छ । यसका लागि आवश्यक तयारी अगाडि बढाउने निर्णय गरिएको छ ।
२. यस जिल्ला शाखामा स्थापना गरिएका विभिन्न अक्षयकोष अन्तर्गतका पत्रकारिता पुरस्कारहरू साधारणसभामा वितरण गरिने भएकाले बाँके जिल्लामा क्रियाशील पत्रकार तथा सञ्चार संस्थाहरूलाई आवेदन दिन आह्वान गर्ने निर्णय गरिएको छ ।
३. वि.सं. २०८१ र २०८२ को सदस्यता नवीकरण नगरेका शाखाका साधारण सदस्यहरूलाई यही वैशाख मसान्तभित्र अनिवार्य रूपमा नवीकरण गर्न आह्वान गर्ने निर्णय गरिएको छ । नवीकरण नगरेका सदस्यहरूलाई साधारणसभामा सहभागी गराउन शाखा बाध्य हुनेछैन ।

कृष्ण ओली
सचिव